సోనియా దిష్టిబొమ్మ దహనం

విశాఖపట్టణం, నవంబరు21(చైతన్యవారధి): సాక్షి కార్యాలయాల వద్ద కాంగ్రెస్‌ శ్రేణులు చేపట్టిన ఆందోళన కార్యక్రమాలను నిరసిస్తూ జగన్‌యువసేన సభ్యులు ఆదివారం ఏయూలో సోనియా దిష్టిబొమ్మను దహనం చేశారు. సోనియాగాంధీకి వ్యతిరేకంగా నినాదాలు చేశారు. పత్రికా స్వేచ్ఛతో ఏ అంశమైనా ప్రచురించే అవకాశం ఉందన్నారు. కార్యక్రమంలో జగన్‌యువసేన సభ్యులు శ్యామ్‌, మోహన్‌, కోటేశ్వరరావు తదితరులు పాల్గొన్నారు.సోనియా చిత్రపటానికి క్షీరాభిషేకం: ఏయూలో సోనియాగాంధీ దిష్టిబొమ్మను దహనం చేసినందుకు నిరసనగా నగర కాంగ్రెస్‌ కార్యకర్తలు ఆమె చిత్రపటానికి క్షీరాభిషేకం చేశారు. జిల్లా యువజన కాంగ్రెస్‌ అధ్యక్షుడు హేమంత్‌కుమార్‌, పీసీసీ సభ్యుడు నారాయణరావు, ఉత్తరాంధ్ర విద్యార్థిసేన అధ్యక్షుడు రమణమూర్తి, భవానీశంకర్‌ తదితరులు పాల్గొన్నారు.