ఇక జలుబుకు టాటా...

ఆరోగ్యవారధి: జీవితకాలానికి ఒక్కసారి వేసుకుంటే సరిపోయే.. జలుబు టీకా త్వరలోనే అందుబాటులోకి రాబోతోంది. ఇది శీతాకాలంలో వచ్చే సాధారణ జలుబు నుంచి ప్రాణాంతక విశ్వవ్యాప్త వైరస్‌లపైనా ప్రభావం చూపుతుందని అమెరికా శాస్త్రవేత్తలు తెలిపారు. మేరీలాండ్‌లోని జాతీయ ఆరోగ్య కేంద్రంలో ఈ టీకాను రూపొందించారు. అయిదేళ్ల కాలవ్యవధిలో ఇది అందుబాటులోకి వస్తుందని పేర్కొన్నారు. ఈ ఔషధం డీఎన్‌ఏపై ప్రభావం చూపి శరీర రోగనిరోధక వ్యవస్థ యాంటీబాడీలను ఉత్పత్తి చేసేలా చేస్తుంది. ఈ టీకాతో ఒకట్రెండు మోతాదులతోనే జీవితకాలం రక్షణ లభిస్తుంది.