ఇంటర్ ప్రాక్టికల్ పరిక్షలకు పగడ్బందీ ఏర్పాట్లు

విశాఖరూరల్, చైతన్యవారధి: ఈ నెల 12 నుంచి మార్చి 4 వరకు నిర్వహించే ఇంటర్ ప్రాక్టికల్ పరీక్షలకు పగడ్బందీ ఏర్పాట్లు చేయాలని అదనపు జాయింట్ కలెక్టర్ డి.వెంకటరెడ్డి ఇంటరు బోర్డు అధికారులను ఆదేశించారు. ప్రాక్టికల్ పరీక్షల నిర్వహణపై ఏజేసీ మంగళవారం స్ధానిక కలెక్టర్ కార్యాలయంలో సమన్యయ కమిటీ సమావేశం ఏర్పాటు చేశారు. ఈ సందర్భంగా ఆయన మాట్లాడుతూ జిల్లాలో 166 కేద్రాల్లో

నిర్వహిస్తున్న ఈ పరీక్షల్లో 32,285 మంది విద్యార్ధులు హాజరు కానున్నట్లు చెప్పారు. ఉదయం 9 నుంచి 12 గంటల మధ్య ఈ పరీక్షలు జరుగుతాయన్నారు. తగిన భద్రత, త్రాగునీరు, ప్రాధమిక వైద్య చికిత్స, విద్యుత్ సదుపాయాలు కల్పించాలని సంబంధిత శాఖ అధికారులను ఆదేశించారు. పరీక్షలు జరిగే రోజుల్లో విద్యుత్ కోతలు లేకుండా చూడాలని ఈసీడీసీయల్ అధికారులను ఆదేశించారు. ఈ సమావేశంలో ప్రాంతీయ తనిఖీ అధికారి ఎన్.జయశ్రీ, జిల్లా వృత్తి విద్యాశాఖ అధికారి నగేశ్ కుమార్, ఎం.వి.ఎన్.పాత్రుడు, విలాస్ మూర్తి, పి.సుజాత, ఉగాధి నాయుడు, డి.కామేశ్వరరావు, ఏ.మోహనరావు తదితరులు పాల్గొన్నారు.