మార్చి నుంచి ఉచితంగా క్షయ మందులు

న్యూఢిల్లీ: క్షయ బాధితులకు వచ్చే మార్చి నుంచి దేశవ్యాప్తంగా అన్ని మందుల దుకాణాల ద్వారా ఉచితంగా మందులు పంపిణీ చేయాలని ఆరోగ్యశాఖ ప్రతిపాదించింది. సవరించిన జాతీయ క్షయ నియంత్రణ కార్యక్రమం (ఆర్‌ఎన్‌టీసీపీ) కిందికి క్షయ బాధితులందరినీ తీసుకురావటానికి ఉద్దేశించిన పథకం అమలుకు ప్రస్తుత ఆర్థిక
సంవత్సరంలో రూ.800 కోట్లు కేటాయించినట్టు ఆరోగ్యశాఖ అధికారులు తెలిపారు. ''క్షయ బాధితులకు ఉచితంగా మందులు అందుబాటులో ఉండేలా చూడటం.. ముఖ్యంగా సొంత ఖర్చుతో ప్రైవేటు వైద్యులతో చికిత్స తీసుకుంటూ, మందులు కొనుక్కునే పేదవారికి ఉపయోగపడటమే ఈ పథకం ఉద్దేశం'' అని ఆరోగ్యసేవల ప్రధాన సంచాలకుడు జగదీశ్‌ ప్రసాద్‌ తెలిపారు. ఈ సంవత్సరం మేలో ప్రభుతం క్షయను తీవ్రమైన వ్యాధిగా ప్రకటించిన తర్వాత ఈ పథకాన్ని ఆరంభించారు. క్షయ బాధితుల వివరాలను కంప్యూటరీకరిస్తామని, వారికి ప్రత్యేక గుర్తింపు సంఖ్యను కేటాయించి ఉచిత మందులను దుకాణాల ద్వారా పంపిణీ చేస్తామన్నారు.