అర్ధరాత్రి మొదలైన అమ్మవారి దర్శనాలు

విశాఖపట్నం, చైతన్యవారధి: మార్గశిర మాసంలో భాగంగా తొలి గురువారం పూజను కనకమహాలక్ష్మి అమ్మవారి ఆలయంలో బుధవారం అర్ధరాత్రి 12.05 గంటలు దాటాక శాస్త్రోక్తంగా నిర్వహించారు. వేదపండితులు, అర్చకులు వేదమంత్రాల పఠనం... మంగళవాయిద్యాల నడుమ అమ్మవారికి పూజాధికాలు నిర్వహించారు. ప్రత్యేక
పంచామృతాభిషేకం, కుంకుమ పూజ ఇత్యాధికాలను నిర్వహించారు. సరిగ్గా అర్ధరాత్రి 12.05 గంటలకు మొదలైన పూజ గంటన్నరసేపు కొనసాగింది. 8 మంది ఉభయదాతలు ఈ కార్యక్రమానికి హాజరయ్యారు. ఆలయ కార్యనిర్వహణ అధికారిణి డి.భ్రమరాంబ ముందుగా పూజలు నిర్వహించారు. అర్ధరాత్రి 2గంటల నుంచి భక్తులకు అమ్మవారి దర్శనాలను కల్పించారు. భక్తులు అధికంగా తరలివచ్చారు.