డీఎస్సీ తుది జాబితా విడుదల

విశాఖపట్నం రూరల్, చైతన్యవారధి: డీఎస్సీ-2012 తుది జాబితా ఆదివారం విడుదయ్యింది. విభాగాల వారీగా ఉద్యోగాలు కేటాయించి జాబితాను సిద్ధం చేసినట్లు జిల్లా విద్యాశాఖాధికారి కె.కృష్ణవేణి తెలిపారు. స్థానిక, స్థానికేతర పోస్టుల విషయంలో 80:20 నిబంధనల ప్రకారం సుమారు 30 మందివరకు అభ్యర్థులను జాబితా నుంచి
తొలగించాల్సి వచ్చిందన్నారు. ఎంపికైనఅభ్యర్థుల జాబితాను అంతర్జాలంలో పొందుపరిచినట్లు చెప్పారు. sites.google.com/site/deovizag, sites.google.com/site/vizagbadi ద్వారా వివరాలు తెలుసుకోవచ్చునన్నారు. కొందరు అభ్యర్థులు రెండు పోస్టులకు ఎంపిక కావడం, మరికొందరి ధ్రువపత్రాలు లేకపోవడంతో సుమారు 55 వరకు మిగులు పోస్టులు ఉన్నట్లు తెలిపారు. ఈ ఖాళీలు భర్తీచేయడానికి ప్రతిభ జాబితాలో కొత్తవారికి అవకాశం కల్పించినట్లు చెప్పారు. ఈనెల 24న విద్యాశాఖ కార్యాలయంలో ఏర్పాటుచేసిన ప్రత్యేక కౌంటర్‌లో ధ్రువపత్రాలు పరిశీలన చేపడుతున్నట్లు చెప్పారు. అభ్యర్థులు గైర్హాజరైతే ఎంపిక జాబితా నుంచి పేర్లు తొలగిస్తామన్నారు. ఈ నెల 26న మరోసారి జాబితా ప్రకటించి 27, 28న కౌన్సెలింగ్‌ నిర్వహించి ఉద్యోగ నియామకాలు చేపడతామన్నారు.

సబ్జెక్టువారీ పోస్టుల వివరాలు
సబ్జెక్టు వారీగా మైదాన ప్రాంతంలో గల ఉపాధ్యాయ పోస్టుల వివరాలు ఇలా ఉన్నాయి. స్కూల్‌ అసిస్టెంట్‌ స్థాయిలో గణితం-18, ఫిజిక్స్‌-18, బయాలజీ-9, సాంఘిక శాస్త్రం-6, తెలుగు-2, ఆంగ్లం-13, హిందీ-25. సెకండరీ గ్రేడ్‌ స్థాయిలో పీఈటీ-8, తెలుగు-13, హిందీ-24, ఎస్జీటీలు-269. ఏజెన్సీకి సంబంధించి స్కూల్‌ అసిస్టెంట్‌ స్థాయిలో గణితం-1, హిందీ-3, ఫిజికల్‌ సైన్సు-4, బయాలజీ-3, సాంఘికశాస్త్రం-1. సెంకడరీ గ్రేడ్‌ స్థాయిలో హిందీ-3, తెలగు-2, పీఈటీ-1, ఎస్జీటీలు-196 పోస్టులు భర్తీచేయడానికి చర్యలు చేపడుతున్నట్లు డీఈవో తెలిపారు.