జిఓననుసరించి తూర్పుకాపు ధ్రువపత్రాలు

అనకాపల్లి, డిసెంబరు 28(చైతన్యవారధి): ప్రభుత్వ ఉత్తర్వులననుసరించి తూర్పు కాపులకు కుల ధ్రువీకరణ పత్రాలను మంజూరు చేస్తామని కలెక్టర్‌ వి.శేషాద్రి హామీ ఇచ్చారు. అనకాపల్లికి శుక్రవారం వచ్చిన ఆయనను స్థానిక మండల పరిషత్‌ కార్యాల యంలో తూర్పు కాపు సంఘం ప్రతినిధులు కలిసి వినతిపత్రం అందజేశారు.
విశాఖజిల్లాలో శ్రీకాకుళం, విజయనగరం జిల్లాలు కలసి ఉన్నప్పుడు 1979లో జిఓ నెంబర్‌ను 73ను విడుదల చేస్తూ తూర్పుకాపులకు బిసి కుల ధ్రువీకరణ పత్రాల మంజూరుకు ప్రభుత్వం ఆదేశించిందని సంఘం ప్రతినిధులు కోరుకొండ సాంబ శివరావు, పట్టణ తూర్పుకాపు సంఘం అధ్యక్షుడు పాండ్రంకి సత్యారావు తదితరులు కలెక్టర్‌ దృష్టికి తీసుకెళ్లారు. రాజకీయ కుట్రలో భాగంగా సబ్బవరం, ఆనందపురం, పెందుర్తి, భీమిలి, పరవాడ మండలాల్లో మినహా మిగిలిన మండలాల్లోని కాపులకు తూర్పుకాపు కుల ధ్రువపత్రాలను ఇవ్వనీయ కుండా కొంతమంది అడ్డుకున్నారని ఫిర్యాదుచేశారు. గతంలో పనిచేసిన జిల్లా కలెక్టర్‌ దృష్టికి ఈ విష యాలను తెలియచేయడంతో జిల్లాలో మిగిలిన మండలాల్లోని కాపులకు కూడా తూర్పుకాపు ధ్రువ పత్రాలివ్వాలని ఆదేశించారని తెలిపారు. దీన్ని కొన్ని కులాలు అడ్డుకునే ప్రయత్నం చేస్తున్నాయని కలెక్టర్‌ దృష్టికి తీసుకెళ్లారు. ప్రభుత్వ జిఓలను పరిశీలించి విశాఖజిల్లాలో అన్ని ప్రాంతాల్లోని కాపులకూ తూర్పుకాపు కుల ధ్రువీకరణ పత్రాలను అమలుచేయాలని కోరారు. దీనిపై కలెక్టర్‌ స్పందిస్తూ, జిఓననుసరించి ఎవరికీ అన్యాయం జరగకుండా తూర్పుకాపులకు బిసి కుల ధ్రువీకరణ పత్రాలు మంజూరు చేస్తామని హామీ ఇచ్చారు. తూర్పుకాపు సంఘం నాయకులు గొన్నాబత్తుల వెంకట రమణ, పలకా రాము, పలకా సత్యనారాయణ, తాడి రామకృష్ణ, నడిపల్లి గణేశ్వరరావు, కర్రి వెంకట సన్యాసినాయుడు, కాయల మురళీ, నిమ్మదల సన్యాసినాయుడు, ఉగ్గిన రమణమూర్తి పాల్గొన్నారు.