నేడు భాజపా రైతుపోరు

హైదరాబాద్‌: విపత్తు బాధిత రైతుల్ని ఆదుకోవాలని డిమాండ్‌ చేస్తూ భారతీయ జనతా పార్టీ 'రైతుపోరు' పేరుతో మంగళవారం రాష్ట్ర సచివాలయ ముట్టడికి సన్నద్ధమవుతోంది. దీనికి రాష్ట్రం నలుమూలల నుంచి వేలాదిగా రైతులు, పార్టీ శ్రేణులను సమీకరిస్తోంది. భాజపా జాతీయ నేత ఎం.వెంకయ్యనాయుడు సహా బండారు

దత్తాత్రేయ, సీహెచ్‌ విద్యాసాగరరావు, నల్లు ఇంద్రసేనారెడ్డి, కె.లక్ష్మణ్‌, జి.కిషన్‌రెడ్డి తదితర పార్టీ ముఖ్యనేతలంతా ఈ కార్యక్రమానికి నాయకత్వం వహిస్తున్నారు. సరిగ్గా మధ్యాహ్నం 12.30 గంటలకల్లా అందరూ ఇందిరాపార్క్‌ వద్దకు చేరుకుని, అక్కడి నుంచి వచ్చి సచివాలయాన్ని ముట్టడించేందుకు భాజపా రాష్ట్రశాఖ తగిన కార్యాచరణ సిద్ధం చేసింది.