చురుగ్గా కదులుతున్న ఈశాన్యరుతుపవనాలు

విశాఖపట్నం: కోస్తాంధ్ర తీరంపై ఈశాన్యరుతుపవనాలు చురుగ్గా కదులుతున్నాయి. వీటికి తోడు బంగాళాఖాతంలో శ్రీలంక నుంచి తమిళనాడు వరకూ ఏర్పడిన అల్పపీడన ద్రోణి స్థిరంగా కొనసాగుతోంది. ఈ రెండింటి ప్రభావం వల్ల రాగల 24 గంటల్లో దక్షిణ కోస్తా, రాయలసీమల్లో కొన్ని చోట్ల వర్షాలు... ఉత్తరకోస్తా, తెలంగాణల్లో ఒకటి రెండు చోట్ల సాధారణ వర్షాలు నమోదయ్యే అవకాశం ఉన్నట్లు విశాఖలోని తుపాను హెచ్చరికల కేంద్రం తెలిపింది. ఇప్పటికే తమిళనాడులో పలుచోట్ల, దక్షిణ కోస్తాలో కొన్నిచోట్ల వర్షాలు కురుస్తున్నాయి. కోస్తాంధ్ర తీరంపై సాధారణం కంటే అధికవేగంతో గాలులు వీచే అవకాశం ఉందని అధికారులు తెలిపారు.