కేసులు ఎత్తివేతకు నిరవధిక నిరాహార దీక్ష

హైదరాబాద్‌: ఉద్యమాల్లో విద్యార్థులపై పెట్టిన కేసులు ఎత్తివేయాలన్న డిమాండ్‌ను ప్రభుత్వం పెడచెవిన పెడుతున్నందునే నిరవధిక నిరాహార దీక్ష చేయాలన్న అభిప్రాయానికి వచ్చామని కాంగ్రెస్‌ ఎంపీ గుత్తా సుఖేందర్‌రెడ్డి అన్నారు. నిరాహారదీక్ష చేపట్టబోయే స్థలాన్ని పెద్దపల్లి ఎంపీ వివేకానందతో కలసి పరిశీలించారు.

కమిటీల నివేదికలతో సంబంధం లేకుండా తెలంగాణ రాష్ట్రాన్ని కేంద్రం ప్రకటించాలన్నారు. రాష్ట్ర సాధనకోసం ఏ త్యాగానికైనా సిద్ధమని ప్రకటించారు. ప్రజాస్వామ్య బద్ధంగా జరుగుతున్న ఉద్యమాన్ని అడ్డుకునేందుకు పోలీసులను దిగుమతి చేయటాన్ని తప్పుబట్టిన ఆయన ముఖ్యమంత్రి సీమాంధ్ర అధికారులు చెప్పినట్టు వినడం తగదన్నారు.