మరో ముగ్గురు రైతుల మృతి

హైదరాబాద్‌: రాష్ట్రంలో మరో ముగ్గురు పంట నష్టం తట్టుకోలేక మృతి చెందారు. గుంటూరు జిల్లా నాదెండ్ల మండలం గణపవరంలో సుబ్బారావు అనే రైతు గుండెపోటుతో మృతి చెందాడు. ఆరెకరాల్లో వేసిన పత్తి ఇటీవలి వర్షాలకు నీట మునిగింది. ఆందోళనగా ఉన్న ఆయన సోమవారం తెదేపా బంద్‌లో పాల్గొని తిరిగి వచ్చాడు.

ఆ తరువాత టీవీ చూస్తూ, పంట నష్టాన్ని తలుచుకుని గుండెపోటుతో మృతి చెందాడు. ఇదే జిల్లా క్రోసూరు మండలం వూట్కూరులో కౌలు రైతు బాబు పంట నష్టాన్ని తలుచుకుని ఆత్మహత్య చేసుకున్నాడు. విజయనగరం జిల్లా నాతవరం మండలం గన్నవరంలో రైతు అప్పలనాయుడు పంట నష్టం తట్టుకోలేక గుండెపోటుతో మృతి చెందాడు. కృష్ణా జిల్లా ముదినేపల్లి మండలం కాకరవాడలో వల్లభనేని రాంపండు అనే కౌలు రైతు 7 ఎకరాలు కౌలుకు తీసుకుని పంట వేయగా వర్షాలకు పూర్తిగా పోవటంతో ఆత్మహత్యాయత్నం చేశాడు. పరిస్థితి విషమంగా ఉంది.