తండాలకు పంచాయతీ గుర్తింపు

హైదరాబాద్‌: రాష్ట్రంలో 500 జనాభా పైబడిన గిరిజన తండాలను పంచాయతీలుగా గుర్తించేందుకు ఉన్న అవకాశాలపై ప్రభుత్వం కసరత్తు చేస్తోందని పంచాయతీరాజ్‌శాఖ మంత్రి బొత్స సత్యనారాయణ వెల్లడించారు. వీటిని పంచాయతీలుగా గుర్తిస్తే మనుగడ ఎలా ఉంటుందన్న అంశంపైనే ప్రభుత్వం యోచన చేస్తోందన్నారు. ఈరోజు సచివాలయంలో రాష్ట్రంలోని వివిధ జిల్లాలనుంచి వచ్చిన గిరిజనతండాల ప్రతినిధులతో మంత్రి బొత్స సత్యనారాయణ సమావేశమయ్యారు. అనంతరం మీడియాతో మాట్లాడుతూ పంచాయతీ కేంద్రంతో సంబంధం ఉన్న గ్రామాలు వేగంగా అభివృద్ధి చెందుతున్నాయని వారు ప్రభుత్వం దృష్టికి తెచ్చారన్నారు. ఆ రకంగానే గిరిజనతండాల అభివృద్ధి జరగాలని వారు కోరారని మంత్రి తెలిపారు.ఎస్‌ఐ రాతపరీక్షల వాయిదా ప్రభుత్వ సమిష్టి నిర్ణయమని ఆయన అన్నారు. అఖిలపక్షాన్ని ఢిల్లీ తీసుకెళ్లినంతమాత్రాన సమస్య పరిష్కారం కాదని అన్నిటికి ఒకే ఫార్ములా పనిచేయదని ఆయన అన్నారు.