వేధింపులెక్కువైతే చర్యలు తప్పవు: బొత్స

విజయనగరం: సూక్ష్మరుణ సంస్థల ఆగడాలు శృతి మించితే చట్టరీత్యా చర్యలు తప్పవని పంచాయితీ రాజ్‌ శాఖ మంత్రి బొత్స సత్యనారాయణ విజయనగరంలో అన్నారు. బాధితులపై వేధింపులెక్కువైన చోట ప్రభుత్వం చర్యలకు ఆదేశించిందని స్పష్టం చేశారు. సూక్ష్మరుణ సంస్థలు చట్టబద్ధంగా రిజిష్టరయి ఉండాలని... బాధితుల ఫిర్యాదుపై సకాలంలో పోలీసు అధికారులు చర్యలు తీసుకోకపోతే వేటు తప్పదని ఆయన హెచ్చరించారు. సూక్ష్మరుణ సంస్థల విధివిధానాలపై కార్యాచరణ రూపొందిస్తున్నామన్నారు. ప్రభుత్వ పరంగా మహిళా స్వయం సహాయక బృందాలకు అవసరమైన రీతిలో రుణాలు సమకూర్చలేకపోవడం వల్లే మైక్రోఫైనాన్స్‌ సంస్థలను ఆశ్రయిస్తున్నారా అన్న దానిపై అధ్యయనం చేస్తున్నామని తెలిపారు.